1.gr. Fagleg þjónusta
Steinabón Bónstöð er traustur og rótgróinn atvinnurekstur sem hefur veitt viðskiptavinum sínum faglega og vandaða þjónustu í yfir 14 ár. Öll þjónusta Steinabóns er framkvæmd af reyndu fagfólki, byggð á sérfræðiþekkingu og í samræmi við góða viðskiptahætti hverju sinni.
Við leggjum áherslu á að veita skýrar upplýsingar og leiðbeiningar um framkvæmd verka með hagsmuni viðskiptavina að leiðarljósi. Viðskiptavinir okkar geta treyst á vandvirkni, reynslu og áreiðanleika sem tryggir framúrskarandi árangur.
Hér fyrir neðan eru nokkrar greinar sem útskýra áhættuþætti sem geta fylgt þjónustu á bifreiðum. Þær miða að því að upplýsa viðskiptavini um að þrátt fyrir hámarks fagmennsku er ekki alltaf hægt að tryggja algjöra ábyrgð á öllum þáttum verksins ef óvænt atvik koma upp.
Lög nr. 42/2000 um þjónustukaup gilda um alla þjónustu sem Steinabón veitir gegn endurgjaldi.
2.gr. Óviðráðanleg atvik
Steinabón ber ekki ábyrgð á tjóni eða rýrnun sem verður áður en starfsmenn þess skila af sér verki, nema sannað sé að tjónið hafi stafað af stórfelldri vanrækslu eða gáleysi, eða ef tjónið er afleiðing atvika sem eru utan valdsviðs Steinabóns, sbr. 19. gr. laga nr. 42/2000 um þjónustukaup.
3.gr. Vanræksla
Verði tjón á eignum viðskiptavina Steinabóns þegar verk er unnið eða í tengslum við það, eða ef hlutur sem hefur verið afhentur Steinabóns glatast eða skemmist, ber Steinabón aðeins ábyrgð á slíku tjóni ef sannað er að starfsmenn fyrirtækisins hafi sýnt af sér stórfellda vanrækslu, sbr. 25. gr. laga nr. 42/2000 um þjónustukaup.
4.gr. Afhending eigna
Þegar hlutur er afhentur Steinabón til vinnslu, ber fyrirtækið ábyrgð á eðlilegri meðhöndlun hlutarins. Ábyrgðin nær þó ekki til tjóna sem orsakast af óviðráðanlegum orsökum, svo sem náttúruhamförum, ófyrirséðum aðstæðum eða ytri atvikum sem ekki eru á valdi Steinabóns, sbr. 26. gr. laga nr. 42/2000 um þjónustukaup.
Þegar vinnu Steinabóns er að fullu lokið, en verkinu ekki skilað á réttum tíma vegna aðstæðna sem varða viðskiptavin, flyst áhættan yfir til viðskiptavinar. Afhending bifreiðar til Steinabóns telst hafa átt sér stað þegar lyklar eru afhentir starfsmanni Steinabóns í eigin persónu. Frá þeim tímapunkti ber Steinabón ekki ábyrgð á tjóni eða rýrnun bifreiðar nema sannað sé að um stórfellda vanrækslu starfsmanna hafi verið að ræða, sbr. lög nr. 42/2000 um þjónustukaup.
- gr. Eignatrygging og geymsla
Steinabón tryggir eignir viðskiptavina að hámarki 20.000.000 kr. gegn tjónum sem falla undir Eignatryggingu lausafjár, svo sem vegna elds, slysa, eða þjófnaðar. Ef tjón fer umfram tryggingahámark, ber viðskiptavinur ábyrgð á mismuninum nema annað hafi verið samið áður.
Hafi viðskiptavinur eign sem er meira virði en tryggingarnar ná yfir, skal hann upplýsa Steinabón fyrirfram. Ef slíkar upplýsingar berast ekki, ber viðskiptavinurinn sjálfur ábyrgð á mismuni sem kann að verða.
Steinabón ber ekki ábyrgð á þjófnaði, vatnstjónum eða skemmdum vegna geymslu utan hátækjalegasti.
- gr. Lakk og grjótvarnarfilmur (PPF) almennt
Til að Steinabón geti sinnt þjónustunni á eðlilegan máta skal viðskiptavinur tryggja að lakk og grjótvarnarfilmur í núverandi ástandi þoli háþrýstiþvott þjónustunnar. Ýmsir þættir, svo sem skemmdir, gallar eða rýrnun í lakki eða filmum, geta valdið því að lakk eða filmur þoli ekki vatnsþrýsting háþrýstidælu (t.d. grunnur, litur, glæra eða filma bifreiðar flettist upp).
Ef dýpri rispur finnast á lakki og viðskiptavinur telur þær orsakast af vanrækslu Steinabóns við þjónustu, ber honum að sýna fram á slíkt. Með hágæða búnaði og mikilli varkárni er afar ólíklegt að dýpri rispur myndist við sjálfa þjónustuna.
Þrátt fyrir að Steinabón noti mjög öruggar þvottaaðferðir er ekki hægt að ábyrgjast 100% rispulaus þrif. Steinabón ber ekki ábyrgð á skemmdum sem kunna að verða nema um stórfellda vanrækslu starfsmanna sé að ræða, sbr. lög nr. 42/2000 um þjónustukaup.
- gr. Mössun
Ef þjónusta skal lakkviðgerð (e. mössun með meiru) fyrir hönd viðskiptavinar skal hafa í huga að sumar rispur eru dýpri en aðrar og þarf því að slípa þau svæði sérstaklega djúpt niður. Við mössun þynnist lakkið og gæti jafnvel verið hætta á að glæra lakkhúðarinnar slípist alveg niður ef rispur eru mjög djúpar.
Viðskiptavinur ber ábyrgð á að upplýsa Steinabón um sérstök eða óvenjuleg atriði sem gætu haft áhrif á mössunarferlið (t.d. hvort lakk hafi verið massað áður, hvort lakk sé orðið þunnt, hvort sprungur eða glæruflagn séu til staðar o.s.frv.).
Þegar viðskiptavinur felur Steinabón verkefnið, samþykkir hann að taka alla ábyrgð á mögulegri þynningu lakksins við meðferð þess. Þrátt fyrir slíka þynningu er lakkið ekki ónýtt og heldur áfram að verja málminn. Ef slíkt gerist, býður Steinabón upp á hagkvæma lausn þar sem málningu er komið aftur á flötinn með airbrush sprautukönnu og jafnað út.
- gr. Námskeiðsbílar
Bifreiðar sem notaðar eru í tengslum við námskeið fá 50% afslátt af skráðu verði þjónustunnar. Þrátt fyrir það ber Steinabón ehf. ekki ábyrgð á skemmdum á yfirborði eða lakki bifreiða sem kunna að verða í tengslum við verkið, þar á meðal, en ekki takmarkað við, rispur, þynningu, fléttingu, brunaför eða aðrar skemmdir.
Ástæða þessa er að nemendur, sem eru í þjálfun og undir handleiðslu, vinna sjálf verkið, og er umrædd framkvæmd í eðli sínu áhættusöm þar sem reynsluleysi getur aukið líkur á ófyrirséðum atvikum. Viðskiptavinir samþykkja þessa skilmála með því að nýta sér afsláttinn og afhenda bifreið í námskeiðstilgangi.
- gr. Lakkvarnir og nýmálað lakk
Margir áhrifaþættir snerta endingargetu ceramic- eða bónhúðar sem borin er á bíl viðskiptavinar. Steinabón notar alla sína sérþekkingu til að undirbúa lakkið á réttan máta fyrir húðun (bón- eða ceramic húðun). Áhrifaþættir sem hafa áhrif á endingu má skipta í tvo flokka:
- Vanræksla viðskiptavinar við viðhald húðarinnar.
- Ekki notaðar réttar aðferðir við þrif
- Ekki notuð vottuð eða viðeigandi sápuefni eða viðhaldsefni við þrif
- Óviðráðanlegir þættir
- Veðurfarsáhrif (t.d aksturstíðni, sól, snjór, haglél, sýruregn, mengun)
- Akstursskilyrði hérlendis (t.d vegsalt, sandurfok, grjótkast, drulla)
- Utanaðkomandi skemmdir (rispur, nudd, árekstrar)
Framleiðandi vörunnar sem notuð er á bifreiðina vonast til að varan endist eins og gefið er upp, en getur ekki tryggt endingu þar sem ofangreind atriði geta haft mikil áhrif. Sama gildir um Steinabón.
Viðskiptavinur ber ábyrgð á að tilkynna Steinabón ef bíll eða hluti bíls er nýlega málaður. Ekki skal bera bón- eða ceramic húðun á nýmálað lakk innan um það bil 30 daga, þar sem glæra lakksins hefur ekki náð fullum þurrk. Húðunin getur annars lokað óþornuðu lakki inni og valdið bólumyndun. Steinabón ber ekki ábyrgð á tjóni sem hlýst af vanrækslu viðskiptavinar að tilkynna slíkt. Einnig ber Steinabón ekki ábyrgð ef viðskiptavinur gefur leyfi til að hefja verk innan þessa tímaramma.
- gr. Sparsl fylliefni og IR lampa bakstur við keramic ásetningu
Hafi bíll viðskiptavinar orðið fyrir tjóni og þurft að láta mála flöt upp á nýtt á málningarverkstæði, er ekki óalgengt að sparsl sé notað til að slétta úr yfirborðinu í slíkri þjónustu. Viðskiptavinur skal tilkynna Steinabón ef sparsl hefur verið notað á einhverjum fleti bílsins áður en keramikþjónusta Steinabóns fer fram, þar sem slíkt er ekki greinanlegt með berum augum.
Þetta er mikilvægt þar sem Steinabón notar sérstaka IR lampa (InfraRed) við ásetningu keramikvarnar til að hita upp lakkið í 60-70°C. Við þessa hitun getur sparsl frá fyrri málningarvinnu losnað, lekið til og valdið tjóni á yfirborði bílsins.
- gr. Djúphreinsun og leðurhreinsun
Eðlilega má búast við að Steinabón geti ekki ábyrgst að tauefni sæta og teppa slitni við meðferð hreinsunar, sérstaklega ef um eldri tauefni/teppi er að ræða. Sama á við önnur einangrunarefni með gætu tengst eða verið undir tauefninu, svo sem þau sem staðsett eru í skotti bifreiðar.
Steinabón getur ekki ábyrgst myglumyndun í tauefnum og/eða svampi ef búið er að tilkynna viðskiptavini hvernig skal meðhöndla áframhaldandi þurrkunarferli. Hér er átt við framkvæmd þurrkunar sem tekur við að djúphreinsun lokinni.
Steinabón ber ekki ábyrgð á tjóni á rafbúnaði eða öðru rafbúnaðartengdum búnaði við djúphreinsun, t.d. ef vökvi kemst í snertingu við rafbúnað, víra, takka eða annan rafbúnað bifreiðarinnar.
Varðandi leðurhreinsun er ekki hægt að ábyrgjast slit á leðri, upplitun, að áferð verði mött eða að saumar leðurs losni upp við þrif. Sama á við önnur leðurlíki.
Steinabón notar viðeigandi hreinsiefni fyrir tau- og leðurhreinsun og beitir réttum aðferðum af mikilli fagmennsku.
- gr. Festing sæta, stýris og barnabílstóla, drifskaftsstilling og aðrar stillingar
Steinabón getur ekki ábyrgst að hlutir sem krefjast festu, svo sem bílsæti, barnabílstólar, stýrisbúnaður eða drifskaftsstöng, séu réttilega festir eða settir í sína fyrri stöðu eftir þjónustu. Við þjónustu bifreiðar kann að vera nauðsynlegt að losa ofangreinda hluti, sem gætu því verið ótryggilega festir við afhendingu.
Til að tryggja öryggi skal viðskiptavinur Steinabóns kanna við afhendingu bifreiðar hvort þessir hlutir séu örugglega festir. Einnig ber viðskiptavini að ganga úr skugga um að drifbúnaður og annar stillibúnaður bifreiðar sé rétt stilltur fyrir áframhaldandi akstur. Steinabón ber ekki ábyrgð á tjóni sem hlýst af rangri stillingu eða festu þessara hluta, nema um stórfellda vanrækslu sé að ræða, sbr. lög nr. 42/2000 um þjónustukaup.
13 gr. Aftursýnisspeglar
Steinabón tekur ekki ábyrgð á skemmdum aftursýnisspeglum í framrúðu ef plastfesting brotnar. Plast getur orðið brothætt með tímanum og orðið viðkvæmara fyrir hreyfingum eða minnsta hnjaski og jafnvel myndi brotna ef viðgerðarmaður væri að losa niður spegilinn í viðgerðarferli sínu. Steinabón ber enga ábyrgð á slíku tjóni nema ef um stórfellda vanrækslu starfsmanna sé að ræða, sbr. lög nr. 42/2000 um þjónustukaup.
- gr. Gljáefni motta bifreiðar
Þrátt fyrir fagkunnáttu og notkun sérefna á mottur þá gætu mottur vegna glansefna verið örlítið sleipar. Þetta á bara við um mottur með sléttri áferð. Mottur með grófari áferð verða ekki fyrir neinni breytingu. Viðskiptavinur skal gera sér grein fyrir því að þessi þjónustu er innifalin í öllum þjónustuliðum Steinabóns sem tengjast innanþrifum og þarf viðskiptavinur sérstaklega að tilkynna ef hann vill sleppa því að fá gljáefni á mottur, svo Steinabón getur ekki ábyrgst slysahættu sem gætu fylgt gljáefnum á mottum.
- gr. Festingar og límingar á ytra byrði bíls
Steinabón tekur ekki ábyrgð á að festingar, lím, límmiðar eða önnur festiefni tengt bifreið gefi sig við notkun háþrýstidælu, háþrýstilofts eða vegna efnanotkunar. Þetta á við um, en er ekki takmarkað við, auglýsingarmiða á lakki/rúðum bifreiða, skoðunarmiða á númeraplötum og límfestingar sem festa aukahluti (svo sem vindskeið (spoiler), svuntur (lip) og aðra aukahluti).
- gr. Ofnæmi
Ef viðskiptavinur tilkynnir ekki Steinabón um ofnæmiseinkenni sem gætu komið upp vegna efna eða efnameðferðar sem notuð eru í þjónustunni, getur Steinabón ekki borið ábyrgð á slíkum einkennum sem kunna að koma fram hjá viðskiptavini bifreiðar.
Steinabón notar hreinsiefni sem geta verið súr, basísk eða hlutlaus og geta mögulega innihaldið efni sem gætu valdið ofnæmi. Viðskiptavinir eru hvattir til að upplýsa Steinabón um þekkta ofnæmisviðkvæmni fyrirfram.
- gr. Akstur
Steinabón leggur fyrst og fremst áherslu á að veita þjónustu sem tengist vinnu við bifreið innan aðstöðunnar. Skutlþjónusta er almennt ekki hluti af þjónustunni en sé þess óskað, fer kostnaður eftir samkomulagi.
Viðskiptavinur ber ábyrgð á að bifreið sé í löglegu ástandi og standist allar kröfur skoðunarstöðva (t.d. Aðalskoðun eða Frumherji) áður en hún er sótt.
Steinabón ber ekki ábyrgð á skemmdum eða tjóni á bifreið sem kunna að verða við flutning, með eða án gjaldtöku, nema slíkt tjón megi rekja til stórfellds gáleysis starfsmanna fyrirtækisins, sbr. lög nr. 42/2000 um þjónustukaup. Með undirritun þessara skilmála samþykkir viðskiptavinur að hann veiti Steinabón bifreið til flutnings á eigin ábyrgð.
- gr. Auglýsingarvörur
Þrátt fyrir að sterkasta auglýsing Steinabóns sé rótfest orðspor fyrirtækisins, njótum við þess að deila auglýsingavörum með heppnum viðskiptavinum. Slíkar vörur geta til dæmis verið lyklakippa, penni, límmiði í rúðu eða rúðuskafa og fleira. Með undirritun þessara skilmála samþykkir þú að þiggja auglýsingarvörur frá Steinabón án skuldbindinga.
- gr. Greiðslur og verðskrá
Verðskrá Steinabóns endurspeglar sanngjarnt verð í samræmi við umfang og eðli vinnunnar. Viðskiptavinum er veitt verðáætlun fyrir þjónustuna, byggð á almennri verðskrá Steinabóns eða sérkjörum fyrir viðskiptavini sem nýta þjónustu reglulega. Verð má ekki fara verulega fram úr áætluðu verði, sbr. 29. gr. laga nr. 42/2000 um þjónustukaup. Steinabón áskilur sér rétt til hæfilegrar verðhækkunar ef umfang verksins reynist meira en upphaflega var áætlað. Öll opinber gjöld eru innifalin í verðáætlun.
Ef Steinabón framkvæmir undirbúningsvinnu að beiðni viðskiptavinar til að meta umfang eða kostnað þjónustu, áskilur fyrirtækið sér rétt til að krefjast sérgreiðslu fyrir þá vinnu, sbr. 33. gr. laga nr. 42/2000 um þjónustukaup.
Steinabón veitir viðskiptavinum 14 daga gjaldfrest á kröfum vegna vinnu sinnar. Að þeim fresti loknum reiknast dráttarvextir samkvæmt gildandi reglum Seðlabanka Íslands á kröfur viðskiptavina.
- gr. Viðbótarkostnaður verks
Steinabón ehf. áskilur sér rétt til að endurskoða umsamið verð ef umfang verksins reynist meira en áætlað var við samningsgerð, sbr. 30. gr. laga nr. 42/2000 um þjónustukaup. Ef umfang verksins er mun meira en upphaflega samið var um og kostnaður hækkar verulega, skuldbindur Steinabón sig til að tilkynna viðskiptavini það með sannanlegum hætti og óska eftir samþykki um áframhaldandi vinnu, sbr. 31. gr. sömu laga.
Ef viðskiptavinur bregst ekki við slíkri tilkynningu áskilur Steinabón sér rétt til að stöðva verkið. Ef verki er hætt á þeim grundvelli á Steinabón kröfu á viðskiptavin sem nemur hlutfalli unninnar vinnu fram að því tímamarki.
- gr. Almennt um sölu á vörum
Steinabón ehf. áskilur sér rétt til að afturkalla pantanir, t.d. vegna rangra verðupplýsinga eða annarra skekkja í upplýsingum. Fyrirtækið áskilur sér einnig rétt til að breyta verði og hætta að bjóða upp á vörutegundir án fyrirvara. Pöntunum getur verið staðfest símleiðis ef þörf krefur.
- gr. Afhending á vörum
Steinabón ehf. afgreiðir vörupantanir samdægurs ef tök er á. Ef pöntun kemur seint inner hún afgreidd næsta virka dag, að því tilskildu að varan sé til á lager. Ef varan er ekki til á lager mun þjónustufulltrúi hafa samband eins fljótt og auðið er til að tilkynna um áætlaðan afhendingartíma eða bjóða upp á valkosti.
Ef vara dreifð með póstþjónustu: Öllum pöntunum er dreift af Íslandspósti og gilda afhendingar-, ábyrgðar- og flutningsskilmálar Íslandspósts um afhendingu vörunnar. Steinabón ehf. ber ekki ábyrgð á tjóni sem kann að verða í flutningi, en viðskiptavinur er hvattur til að tilkynna Íslandspósti um tjón strax við móttöku vörunnar. Tjón sem verður eftir að varan hefur verið send frá Steinabón ehf. til kaupanda er á ábyrgð kaupanda.
- gr. Skilafrestur og endurgreiðsluréttur
Kaupandi hefur rétt til að hætta við kaupin innan 14 daga frá móttöku vörunnar, að því tilskildu að varan hafi ekki verið notuð og sé skilað í upprunalegum, óopnuðum og óskemmdum umbúðum. Ef varan var innsigluð má innsiglið ekki hafa verið rofið.
Skilafresturinn hefst þegar varan hefur verið afhent skráðum viðtakanda. Kvittun fyrir vörukaupunum þarf að fylgja með við skil. Að fullu endurgreiðsla fer fram ef öll skilyrði eru uppfyllt og varan hefur verið móttekin af Steinabón. Flutnings- og póstburðargjöld eru ekki endurgreidd.
Vinsamlegast hafið samband við Steinabón ehf. ef frekari spurningar vakna varðandi endurgreiðslur eða skilafrest.
- gr. Verð á söluvörum
Vinsamlegast athugið að verð í netverslun Steinabóns getur breyst án fyrirvara. Öll verð eru birt með fyrirvara um innsláttarvillur og breytingar á markaðsaðstæðum. Viðskiptavinir eru hvattir til að staðfesta endanlegt verð við pöntun
- gr. Skattar og gjöld á söluvörum
Öll verð sem birt eru í netverslun Steinabóns eru með virðisaukaskatti (VSK) samkvæmt gildandi skattprósentu. Reikningar eru gefnir út með VSK skv. íslenskum lögum.
- gr. Trúnaður við kaup á söluvörum
Seljandi skuldbindur sig til að tryggja fullan trúnað varðandi allar persónuupplýsingar og aðrar upplýsingar sem kaupandi veitir í tengslum við viðskipti. Upplýsingarnar verða eingöngu notaðar í þeim tilgangi að klára viðskiptin og veita betri þjónustu. Þær verða ekki afhentar þriðja aðila nema lög krefji þess. Seljandi mun grípa til viðeigandi öryggisráðstafana til að tryggja örugga meðhöndlun, geymslu og vernd gagna í samræmi við gildandi persónuverndarlög.
- gr. Ábyrgð á seldum vörum (Warranty)
Steinabón ehf. veitir ábyrgð á öllum seldum vörum með eftirfarandi skilyrðum:
- Vökvar:
- Vörur eins og sápur, lakkvarnir og aðrir vökvar eru seldir án sérstakrar ábyrgðar, en Steinabón ábyrgist að vörurnar séu í góðu ástandi við afhendingu.
- Smáverkfæri og fylgihlutir:
- Smáverkfæri og fylgihlutir bera 12 mánaða ábyrgð frá kaupdegi gegn framleiðslugöllum.
- Dæmi um smáverkfæri: Þvottahanskar, þurrkhandklæði, burstar, tuskur, pumpur og fl.
- Stærri tæki:
- Ábyrgð á við um tæki sem Steinabón flytur inn (og er umboðsaðili fyrir). Allt sem við endurseljum fyrir aðra dreifingaraðila gæti verið með öðruvísi ábyrgð og skal ábyrgðin þá vera í samræmi við skilmála viðkomandi dreifingaraðila.
- 1 árs ábyrgð fyrir fyrirtæki.
- 2 ára ábyrgð fyrir neytendur.
- Dæmi um stærri tæki: mössunarvélar, háþrýstidælur, vinnuljós, blásarar og fl.
Almenn ábyrgðarskilmálar:
- Ábyrgðin nær eingöngu til framleiðslugalla og gildir ekki ef vara hefur verið misnotuð, vanrækt eða skemmd af notanda.
- Ábyrgðin nær ekki til eðlilegs slits eða rangrar notkunar.
- Til að nýta ábyrgð skal framvísa kaupnótu.
Vinsamlegast hafið samband við Steinabón ehf. ef frekari spurningar vakna varðandi ábyrgðarskilmála eða ef upp koma vandamál með vörur.
- gr. Póstlisti
Með því að samþykkja þessa skilmála veitir þú Steinabón leyfi til að senda þér markpósta, sms eða önnur skilaboð í markaðslegum tilgangi. Tilgangurinn er að miðla sértilboðum, breytingum á þjónustu og öðrum mikilvægum upplýsingum. Þú getur hvenær sem er afskráð þig af póstlista með því að nota afskráningartengil í pósti eða hafa samband beint við Steinabón.
- gr. Ágreiningur
Greini aðila að þjónustusamningi þessum á um réttindi sín og skyldur samkvæmt lögum nr. 42/2000 um þjónustukaup geta þeir, einn eða fleiri, snúið sér til kærunefndar lausafjár- og þjónustukaupa og óskað eftir álitsgerð nefndarinnar um ágreiningsefnið.
Niðurstöðum kærunefndar verður ekki skotið til annarra stjórnvalda en aðilar geta lagt ágreining sinn fyrir dómstóla með venjulegum hætti.
30.gr. Skrópgjald – Tímabreytingar og skrópun án fyrirvara
Viðskiptavinir okkar eru okkur mikilvægir og við leggjum áherslu á sveigjanleika í tímapöntunum. Við biðjum vinsamlegast um að tilkynna breytingar eða afbókanir með að minnsta kosti 24 klukkustunda fyrirvara. Þetta gerir okkur kleift að skipuleggja starfsemina sem best og tryggja gæðaviðmið okkar.
Ef tilkynning berst ekki með þessum fyrirvara áskilur Steinabón sér rétt til að rukka 50% af áætluðu verði þjónustunnar. Þetta er einfaldlega vegna kostnaðar við laun, rekstur og skipulagningu, þar sem tíminn hefur þegar verið frátekinn fyrir þig.
Við þökkum fyrir skilninginn og hlökkum til að veita þér framúrskarandi þjónustu.
31.gr. PPF grjótvarnarfilmuásetning
Steinabón sinnir grjótvarnarfilmuásetningu af mikilli fagmennsku og vandvirkni. Fyrirtækið er með viðurkennd réttindi sem leitast við að framkvæma verk í hæsta gæðaflokki í samræmi við iðnaðarstaðla, nema annað sé sérstaklega samið um.
Gæðaviðmið: Samkvæmt viðurkenndum iðnaðarstaðli (e. Industrial standard) skal viðskiptavinur ekki eða aðeins óverulega sjá filmuenda, rykkorn eða mögulegar línur í filmunni (e. delamination) í um það bil 2 metra fjarlægð frá bifreið. Í flestum tilvikum tekst okkur að ná þeim gæðum að engin merki sjáist í 0,5-1 metra fjarlægð, en það fer mikið eftir afbrigði flatarins sem filman er lögð á eða aðstæðum við filmuásetninguna.
Steinabón tekur ekki ábyrgð á neðangreindu:
- Filmuendar: Ef filma er skorin 1-2 mm frá brún fletis eða PPF filmubútur nær ekki að þekja allt svæðið, er óhjákvæmilegt að filmuendar sjáist. Þetta er hluti af eðlilegum ásetningarstaðli og viðskiptavinur samþykkir það fyrirfram.
- Rykkorn/sandkorn: Ryk svífur um í loftinu og þó nýbúið er að þrífa flötinn áður en filma er sett á, þá getur ryk komist á milli og lent undir filmunni. Þetta sést afar illa nema ef um dökklitaðan bíl er að ræða. Sama gildir minniháttar sandkorn sem leynist milli lista/samskeyta og nær að smeygja sér undir filmuna í miðri ásetningarvinnu.
- Línur í filmu: Línur geta myndast ef límið undir filmunni afmyndast, þornar eða nær taki áður en filman er strokin yfir með sköfunni. Oftast jafnar það sig út sjálft en stundum geta línur sitið eftir. Þetta sést afar lítið á ljóslituðum bílum en betur á dökkum lit. Reynsla okkar sýnir að í yfir 95% tilvika (gróf áætlun) taka viðskiptavinir aldrei eftir þessum línum.
- Fjarlægja filmur (PPF grjótvarnar eða vínilfilmur): Ef beðið er okkur um að fjarlægja filmur tekur fyrirtækið enga ábyrgð á því ef lakk bílsins flagnar með. Við notum viðeigandi tól og tæki (t.d. hitabyssur, gufutæki og klípur) til að fjarlægja filmur á sem öruggastan hátt. Aðallega getur lakk flagnað ef filmuásetning var framkvæmd á nýtt lakk/glæru sem ekki hafði fullharðnað (því þá binst glæran við filmuna og verður sem eitt). Ábyrgðin á slíku tjóni hvílir alfarið á aðilanum sem lagði filmuna á í upphafi, ekki þeim sem fjarlægir hana. Einnig getur almennt verið léleg viðloðun milli grunns/lits/glæru lakklaganna (algengara ef endurmálað, ekki algengt ef upprunalegt lakk), sem gæti aukið líkur á því að óhjákvæmilega lyftist lakkið upp með filmunni.
32 .gr. Undirritun þessa skilmála
Með því að haka í samþykkisreit fyrir skilmála á vefsíðu Steinabóns staðfestir viðskiptavinur að hafa kynnt sér skilmálana í heild sinni og samþykkir að þeir gildi um alla þjónustu sem Steinabón veitir.
Ef skriflegur samningur eða samstarfssamningur er í gildi milli Steinabóns og viðskiptavinar, gilda þessir skilmálar um allar bifreiðar sem þjónustaðar eru í tengslum við það samstarf, nema annað sé sérstaklega samið um skriflega.
Ef um einstök viðskipti við Steinabón er að ræða, gilda þessir skilmálar fyrir öll komandi viðskipti varðandi þá tilteknu bifreið sem þjónustan nær til.
Síðast uppfært: 07/01/25’